ТҰРҒЫНДАРДЫҢ НАЗАРЫНА!!!
Қала тұрғындары мен қонақтарын 2019 жылдың 19-шы қарашасында ЖИТС-тің алдын алу және оған қарсы күрес жөніндегі Қызылорда облыстық орталығында «Қоғамдастықтың маңызы бар» ұранымен жүріп жатқан Дүниежүзілік ЖИТС-ке қарсы күні аясында ұйымдастырылатын «Ашық есік» күніне шақырамыз.
Барлық келушілер дерматовенеролог, инфекционист дәрігерлердің кеңесін, сонымен қатар ерікті түрде анонимдік немесе құпия түрде АИТВ-инфекциясына қан тапсырып, өз АИТВ-статусын анықтай алады.
Мекен-жайымыз: Қызылорда қаласы, Шүкіров к-сі 52а, анықтама телефоны: 239454.
Облыстық ЖИТС орталығы.
Дүниежүзілік ЖИТС-ке қарсы күрес күні аясында облысымызда АИТВ-инфекциясының алдын алу мақсатында айлық жүргізіледі !
2019 жылдың 5-ші қарашасы мен 5-ші желтоқсан аралығында ««Қоғамдастықтың маңызы бар!» ұранымен өтетін Дүниежүзілік ЖИТС-ке қарсы күрес күні аясында Қызылорда облысында АИТВ-инфекциясының алдын алу бағытында айлық жүргізіледі.
АИТВ-инфекциясы қазіргі таңда негізінен жыныстық жолмен, сонымен қатар иньекциялық есірткі тұтыну барысында жұқтыру кеңінен таралуда.
Өзінің АИТВ-статусын білмейтін адамдар бұл вирусты басқа адамдарға жұқтыруға қауіпі жоғары,бұл жағдай адамның өзіне ғана емес қоғамға да қауіпті.
Өткізілетін айлықтың басты мақсаты- облыс халқының АИТВ/ЖИТС тақырыбындағы білім деңгейін көтеру, оның ішінде халықтың осал топ өкілдері, сонымен қатар жастар арасында АИТВ-инфекциясының таралуының алдын алу болып табылады.
Айлық аясында оқу орындарында, ішкі істер,қорғаныс саласы,қылмыстық атқару жүйесі мен бизнес құрылымдарында үкіметтік емес ұйымдармен бірлесе ауқымды іс-шаралар ұйымдастырылады, сонымен қатар қаланың кез келген азаматы тұрғылықты мекен-жайы бойынша бекітілген емханаларда,сонымен қатар облыстық ЖИТС орталығында ашық немесе жасырын (анонимді) түрде АИТВ-инфекциясына тексерілуіне және АИТВ статусын білуіне болады.
ЖИТС-тің алдын алу және оған қарсы күрес
жөніндегі Қызылорда облыстық орталығы
