Жеке тұлғалардың дербес медициналық деректерін қорғауды қамтамасыз ету
Дербес медициналық деректерді қамтитын электрондық ақпараттық ресурстарды қорғау ерекшеліктері Қазақстан Республикасының Ақпараттандыру және дербес деректер және оларды қорғау туралы заңнамасына сәйкес белгіленеді.
Мүліктік және (немесе) моральдық зиян келтіру, Қазақстан Республикасының заңдарында кепілдік берілген құқықтар мен бостандықтарды іске асыруды шектеу мақсатында дербес медициналық деректері бар электрондық ақпараттық ресурстарды пайдалануға жол берілмейді.
Жеке тұлғалардың дербес медициналық деректерін қамтитын электрондық ақпараттық ресурстардан алынған ақпарат тек лауазымдық міндеттерін орындау шеңберінде пайдаланылады.
Ескерту:
Халық денсаулығы және денсаулық сақтау жүйесі туралы Қазақстан Республикасының 2020 жылғы 7 шілдедегі № 360-VI ҚРЗ кодексі", 62-бап.
АИТВ-инфекциясына зерттеудің оң нәтижесі болған кезде адамнан электрондық бақылау жүйесіне (бұдан әрі – ЭЖ) дербес деректерді енгізуге жазбаша хабардар етілген келісім алынады. ЭЖ жүйесіне дербес деректерді енгізуден бас тартқан кезде: иммундық блот нөмірі мен күні, инициалдары, туған күні, эпидемиологиялық анамнез деректері енгізіледі.
Ескерту:
"АИТВ-инфекциясының болуына міндетті құпия медициналық тексеру қағидаларын бекіту туралы" Қазақстан Республикасы Денсаулық сақтау министрінің 2020 жылғы 27 қарашадағы № ҚР ДСМ-211/2020 Бұйрығы 1-тарау, 24-тармақ
