Жастар арасында «Абайлаңыз СПИД-тен» атты кездесу туралы

ЖИТС-тің алдын алу және оған қарсы күрес жөніндегі Қызылорда облыстық орталығының дәрігер-эпидемиологы Сарсенбаева Светлана Аумажитқызы   ағымдағы  жылдың  наурыз айының 13-де Қызылорда инженерлік техникалық  колледж студенттері мен мұғалімдердің  арасында «Абайлаңыз СПИД-тен» атты кездесу ұйымдастырылды.  

АИТВ/ЖИТС-тың әлемдегі, республикадағы, облыстағы індеттік ахуалы, дүние жүзіне қауіп төндіріп отырған қатерлі аурудың алдын - алу, оның жұғу жолдары, сақтану шаралары туралы, атап айтқанда  бұл аталған ғасыр індеті АИТВ/ЖИТС –бұл адамдардың жасына, жынысына, ұлтына, бай-кедейлігіне қарамайтын қатерлі де жұқпалы дерт екендігі және қазір жер шарындағы барлық мемлекетте осы қатерлі ауру тіркеліп отырғандығы жөнінде баяндалды.

Республикадағы, Қызылорда облысындағы АИТВ/ЖИТС-тің эпидемиологиялық жағдайы жөнінде слайдтар және бейнефильм көрсетіліп, жастар арасында осы мәселе жөнінде білімдерін жоғарлату мақсатында сауалнама жасалды. Іс-шараға қатысушылар маманға көкейлерінде жүрген сауалдарын қойып, жауап алды. Оларға ақпараттық білім беру материалдары - жастарға  арналған буклеттер мен үнпарақтар таратылды.

Облыстық ЖИТС-тің алдын алу және

оған қарсы күрес жөніндегі орталығының

дәрігер-эпидемиологы     С. Сарсенбаева