Шиелі ауданы Тартоғай елді мекеніндегі Ш.Есенов атындағы №153-ші орта мектебінде, мұғалімдердің, жоғарғы сынып оқушыларының арасында АИТВ/ЖИТС мәселелері бойынша ақпараттану деңгейін арттыру АИТВ инфекциясының алдын алу мақсатында ЖИТС-тің алдын алу және оған қарсы күрес жөніндегі облыстық орталықтың Шиелі филиалының маманы,оқушылар мен мұғалімдер арасында кездесу ұйымдастырып өткізді.
Іс шараға мектеп директоры Әмзеев Қанат пікірін білдіріп мұғалімдер мен оқушыларды белсенділікке шақырып, сәттілік тіледі. Мектеп аяжаны іс-шараның маңыздылығына тоқталып, АИТВ/ЖИТС бойынша атқарылып жатқан жұмыстарды айтып өтті. Іс-шара барысында ЖИТС-тің алдын алу және оған қарсы күрес жөніндегі облыстық орталықтың Шиелі ауданындағы филиалының маманы Т.Досаев «Денсаулық» мемлекеттік бағдарламасының іс-шаралар жоспарын тиімді іске асыру барысында тұрғындардың АИТВ/ЖИТС мәселелері бойынша ақпараттану деңгейін арттыру, АИТВ-инфекциясының алдын-алуда пәрменді іс-қимыл жасау. Жұқтырылған ауруды емдеуге қарағанда, АИТВ/ЖИТС-ты жұқтырудан сақтану анағұрлым пайдалы және тиімді екенін айтты.Сонымен қатар Республикамыздағы, облыстағы және аудандағы індеттік ахуал туралы мәлімдеді. Іс-шара соңында қатысушылармен пікір алмасып, қойылған сұрақтарына жауап берді, көрнекті құралдар, парақшалар таратылды.
ЖИТС-тің алдын-алу және оған
қарсы күрес жөніндегі облыстық
орталықтың Шиелі ауданындағы
филиалының маманы: Т.Досаев
